~~~~”

ശലഭമാവാത്ത പുഴുക്കളുടെ
സമാധിപ്പറമ്പ്,
ഉന്മാദിയുടെ സ്വപ്നഗേഹം;
ഒളിവേഗം ഈറ്റില്ലം!

ആരുടെയഴിഞ്ഞ
മുലക്കച്ചയാണ് ശവക്കച്ചയാക്കി
ചോരച്ചിറകുകൾ പുറത്തേക്ക്?

ചോന്ന്...ചോന്ന്

മൊഴി കറുത്താൽ മിഴി ചുവക്കും..
മിഴി ചുവന്നാൽ മഴ പൊഴിക്കും.

ചുവന്ന പെണ്ണേ ചുകചുവപ്പേ…
നിൻ മഴ നനഞ്ഞ്…നട നടന്നേ.

നട നടന്ന്…കുഴ കുഴഞ്ഞ്...
കുഴ കുഴഞ്ഞേ കടത്തടുത്തേ.

കരകവിയും കടത്തെടുത്ത്…
ചോന്ന് ചോന്ന്... ചെന്ന് ചെന്നേ.

ചെന്ന് ചെന്ന്...ചെന്നു ചേർന്നൂ…
ചെന്ന് ചേർന്നേ കടലിനോട്.

നീയോ?

ഞാൻ അടരും മണ്ണിൻ
ഉയിരെടുക്കും
വിഷം കായ്ക്കും ചില്ലതൻ
വേരിൻ വിശപ്പ്.

നീയോ?

നാദമെന്ന സ്വതന്ത്രസംഗീത സംരംഭത്തിൽ ഒരു പിറന്നാൾ ഗാനം

സംഗീതം - ജി നിശീകാന്ത്

ആലാപനം - നവീൻ എസ്

രചന : ഡോണ മയൂര

ഗാനത്തിന്റെ വരികൾ

-------------------------------------

വൃശ്ചിക പൂങ്കാറ്റു തലോടും
മുടിയിഴയുമ്മ വച്ചൊരാൾ
കാതിൽ മെല്ലെ മൂളും
സ്നേഹം തുളുമ്പും
പിറന്നാളാശംസകൾ (വൃശ്ചിക)

പൊന്മണീ നിൻ കാലിൽ
ചിലമ്പൊലി ഉണരും പോലെ...
കണ്മണീ നിൻ കാതിൽ
കതിർമണി ഉലയും പോലെ…(പൊന്മണീ)
ആഘോഷമായ് നേരാം..
ആമോദമായ് പാടാം…
ആയിരമാശംസകൾ
പിറന്നാളാശംസകൾ (2)
വൃശ്ചിക പൂങ്കാറ്റു തലോടും…

കാറ്റായ് നിൻ കൈയിൽ
തരിവളയിളകി മെല്ലെ…
മേഘങ്ങൾ വന്നണഞ്ഞുവെൺ
കുടയായ് നിൻ മേലെ…(കാറ്റായ്)
നിൻ ജന്മനാൾ നേരാം…
സ്നേഹാർദ്രമായ് പാടാം…
ആയിരമാശംസകൾ
പിറന്നാളാശംസകൾ(2) (വൃശ്ചിക…)

ഗാനം ഇവിടെ കേൾക്കാം...വൃശ്ചിക പൂങ്കാറ്റു തലോടും

ഐസ് ക്യൂബുകൾ, പഠനം, അഭിമുഖം

മലയാളനാട് വെബ് കമ്മ്യൂണിറ്റിയിൽ ഐസ് ക്യൂബുകൾക്ക് മനോജ് കുറൂർ എഴുതിയ പഠനവും, ഐസ് ക്യൂബുകളെ ആസ്പദമാക്കി അമ്മു നടത്തിയ അഭിമുഖവും.

1. പഠനം -ഒളിഞ്ഞിരിക്കുന്ന ഒരു പെൺകുട്ടി.

2. അഭിമുഖം - ഉള്ളിലുള്ള ഒരു പാപ്പിയോൺ.


ഐസ് ക്യൂബുകളുടെ കോപ്പി ഇവിടെ നിന്നും ഓർഡർ ചെയ്യാം  http://bit.ly/RIgvgL